黎耀祥到電台宣傳劇集《逆緣》並談及工作動向,他透露5月跟無綫約滿,很可能會以部頭合約形式再合作,自由度比以往更有彈性,祥仔說:「公司好有誠意,除咗加人工,都係1年拍1部,如果唔鍾意可以選擇唔拍。」他提到始終不捨香港觀眾,自認是老一輩演員跟觀眾關係微妙,他笑謂:「我成日都去九龍城蒲,觀眾見到會打招呼,好似識咗好耐咁,其實又係唔識㗎喎!」

此外,祥仔提到曾經連續工作12年,近年才會抽時間去旅行,再加上兒子正在美國讀書,不論於工作或生活上都是好時機,他稱:「工作上可以試吓唔同嘅嘢,生活上就多啲時間陪吓老婆。」