情人節有愛人陪伴當然幸福，今日不少藝人放閃，湯盈盈在社交平台上載全家福，留言「The lovesss of my life！情人節快樂！ #我愛你 #happyvalentinesday」，大女同細女都好可愛吖。星媽陳敏之騷出囡囡雷子樂的萌照，趴地的子樂手執抹布，原來是幫了媽媽洗邋遢，陳敏之不禁讚囝囝：「我的小情人十分勤力，話說昨天年廿八洗邋遢，佢都幫媽媽手抹地，好乖乖。Happy Valentines Day❤❤」。

郭可盈亦在社交平台晒恩愛，貼出攬住老公林文龍的啜啜相。另外，王祖藍與李亞男結婚3周年，今日情人節王祖藍甫返婚照，希望同老婆有無限個三年，「結婚3周年快樂❤呢張相令我諗起，如陽光伴我清新笑迎面❤希望我哋以後日日都開開心心咁過，感恩你一直咁忍我 #咁就3年 #3年又3年」。

日前搵埋老公去紐約時裝周的Ella（陳嘉樺），已準備返台灣過新年，仲叫囝囝勁寶要乖乖等爸媽回家，今日她上載抱抱老公的合照，非常恩愛，更自爆去紐約瘋狂買衫買鞋，行李箱都快爆開。